zulm ke paao.n se jo phuul masal jaate hai.n
zulm ke paao.n se jo phuul masal jaate hai.n
Khaar ban kar vahii patthar pe nikal aate hai.n
phir bahaaro.n kii zaruurat nahii.n rahatii un ko
ye Khizaa.N me.n bhii ba.Dii shaan se khil jaate hai.n
Guu.Nche vo milatii nahii.n hai jinhe.n aagosh ko_ii
vahii miTate hai.n to kiicha.D me.n kamal aate hai.n
Dab-Dabaa_ii hu_ii aa.Nkho.n me.n na aa.Nnkhe.n Daalo
in me.n tuufaan hai.n chhe.D se machal jaate hai.n
vo jo kal raunaq-e-faanuus thii aiwaan ke liye
aaj us shammaa se aiwaan dahal jaate hai.n
dhuup thii tez to saaye bhii the paro.n ke tale
is ke Dhalate hii ruKh in ke bhii badal jaate hai.n
hamane samajhaa hai zamaane ko ba.Dii der ke baad
ye vo Kha.njar hai.n jo apano pe bhii chal jaate hai.n
hamako aataa nahii.n zaKhmo.n kii numaa_ish karanaa
Khud hii rote hai.n ta.Dapate hai.n bahal jaate hai.n
jo samajhate hai.n hawabis ko vo khilona kii tarah
un se tuufaan bhii bach-bach ke nikal jaate hai.n
azm-vaale kabhii himmat nahii.n haaraa karate
ashk ‘Azra’ ke ye kah kah ke samhal jaate hai.n
Tell a Friend
Khizaa.N ke rang me.n abhii bahaar baaqii hai
Khizaa.N ke rang me.n abhii bahaar baaqii hai
chiraaG-e-sahar hai par intazaar baaqii hai
hame.n salaam karo ai havaadis-e-dauraa.N
tumhaare saath hai.n phir bhii qaraar baaqii hai
guzar chukaa hai ummiido.n kaa qaafilaa kab kaa
raah-e-yaqiin pe ab bhii Gubaar baaqii hai
hame.n pukaar lo jab chaaho ham mile.nge vahii.n
mile hai.n Khaak me.n lekin vaqaar baaqii hai
Tell a Friend
ik tum ke dil me.n dard kisii Gair ke liye
ik tum ke dil me.n dard kisii Gair ke liye
ik ham ke dard ban gaye Khud aap ke liye
ham apane aashiyaane me.n tere mu.ntazir
tum ti.nke chun rahe the kisii aur ke liye
ham jaanate hai.n dil me.n tumhaare nahii.n hai.n ham
jo Khat tumhaarii aa.Nkho.n me.n the ham ne pa.Dh liye
Gam hai ke tuu ne luuT liyaa aitamaad ko
ik daaG de diye hai.n hame.n umr ke liye
qaatil kii is adaa pe bhii qurbaan jaaye
Khud de ke zahar aa.Nkho.n me.n aa.Nsuu bhii bhar liye
thii kaun sii Khataa ke milii jis kii ye sazaa
hamane to umr bhar tere nqash-e-qadam liye
“Azra” ye maanaa bojh hai ab tujh pe zindagii
par zindagii to terii nahii.n hai tere liye
Tell a Friend
vusa’t-e-chashm ko andoh-e-basaarat likhaa
vusa’t-e-chashm ko andoh-e-basaarat likhaa
mai.n ne ik vasl ko ik hijr kii haalat likhaa
mai.n ne likkhaa ke safaa-e-dil kabhii Khaalii na ho
aur kabhi Khaalii ho bhii to malaamat likhaa
mai.n ne paravaaz likhii hadd-e-falaq se aage
aur be-baal-o-parii ko bhii nihaayat likhaa
mai.n ne dastak ko likhaa kash-ma-kash-e-be-Khabarii
jumbish-e-pardaa ko aane kii ijaazat likhaa
mai.n ne Khushbuu ko likhaa dastaras-e-gum-shudagii
rang ko faasalaa rakhane kii riyaayat likhaa
zaKhm likhane ke liye mai.n ne likhii hai Gafalat
Khuun likhanaa thaa magar mai.n ne haraarat likhaa
husn-e-go_aa_ii ko likhanaa thaa likhii saragoshii
shor likhanaa thaa so aazar-e-sama’at likhaa
mai.n ne taabiir ko tahariir me.n aane na diyaa
Khvaab likhate hu_e mohataaj-e-bashaarat likhaa
ko_ii aasaan rafaaqat nahii.n likhii mai.n ne
qarb ko jab bhii likhaa jazb-e-raqaabat likhaa
itane daao.n se guzar kar ye Khayaal aataa hai
‘Azm’ kyaa tum ne kabhii harf-e-nadaamat likhaa
Tell a Friend
yahaa.N se ab kahii.n le chal Khayaal-e-yaar mujhe
yahaa.N se ab kahii.n le chal Khayaal-e-yaar mujhe
chaman me.n raas na aayegii ye bahaar mujhe
terii latiif nigaaho.n kii Khaas jumbish ne
banaa diyaa terii fitarat kaa raazadaar mujhe
merii hayaat kaa a.njaam aur kuchh hotaa
jo aap kahate kabhii apanaa jaa.N-nisaar mujhe
badal diyaa hai nigaaho.n ne ruKh zamaane kaa
kabhii rahaa hai zamaane pe iKhtiyaar mujhe
ye haadasaat jo hai.n iztaraab kaa paiGaam
ye haadasaat hii aaye.nge saazagaar mujhe
‘Aziz’ ahal-e-chaman kii shikaayat besud
fareb de ga_ii rangiinii-e-bahaar mujhe
Tell a Friend
uljhaav kaa mazaa bhii terii baat hii me.n thaa
uljhaav kaa mazaa bhii terii baat hii me.n thaa
teraa javaab tere savaalaat hii me.n thaa
saayaa kisii yaqii.n kaa bhii jis par na pa.D sakaa
vo ghar bhii shahar-e-dil ke muzaafaat hii me.n thaa
[yaqii.n = firm belief/trust; muzaafaat = near by]
ilzaam kyaa hai ye bhii na jaanaa tamaam umr
mulzim tamaam umr havaalaat hii me.n thaa
[ilzaam = accusation; tamaam = entire; mulzim = accused]
ab to faqat badan kii muravvat hai daramiyaa.N
thaa rabt jaan-o-dil kaa to shuruu_aat hii me.n thaa
[faqat = only; muravvat = kindness/benevolence]
[daramiyaa.N = in between; rabt = relation]
[shuruu_aat = beginning]
mujh ko to qatl kar ke manaataa rahaa hai jashn
vo ziilihaaz shaKhs merii zaat hii me.n thaa
[jashn = celebration; zaat = existence]
[ziilihaaz = worthy of attention/respect(liihaaz ke qaabil)]
Tell a Friend
har shaam jalate jismo.n kaa gaa.Dhaa dhuaa.N hai shahar
har shaam jalate jismo.n kaa gaa.Dhaa dhuaa.N hai shahar
mar-ghaT kahaa.N hai ko_ii bataao kahaa.N hai shahar
phuTapaath par jo laash pa.Dii hai usii kii hai
jis gaa.Nv ko yaqii.n thaa ki rozii-rasaa.N hai shahar
mar jaa_iye to naam-o-nasab puuchhataa nahii.n
murdo.n ke sil-sile me.n bahut meharabaa.N hai shahar
rah rah ke chiiKh uThate hai.n sannaaTe raat ko
jangal chhupe hue hai.n vahii.n par jahaa.N hai shahar
bhuuchaal aate rahate hai.n aur TuuTataa nahii.n
ham jaise mufliso.n kii tarah saKht-jaa.N hai shahar
laTakaa huaa tren ke Dibbo.n me.n subah-o-shaam
lagataa hai apanii maut ke muu.Nh me.n ravaa.N hai shahar
Tell a Friend
aap ko dekh kar dekhataa rah gayaa
aap ko dekh kar dekhataa rah gayaa
kyaa kahuu.N aur kahane ko kyaa rah gayaa
un kii aa.Nkho.n me.n kaise chhalakane lagaa
mere ho.nTho.n pe jo maajaraa rah gayaa
aise bichha.De sabhii raah ke mo.D par
aaKharii ham_safar raastaa rah gayaa
soch kar aao kuu-e-tamannaa hai ye
jaaneman jo yahaa.N rah gayaa rah gayaa
Tell a Friend
ye mashvare baham uThe hai.n chaaraa-juu karate
ye mashvare baham uThe hai.n chaaraa-juu karate
ab is mariiz ko achchhaa thaa qiblaaruu karate
kafan ko baa.Ndhe hue sar se aaye hai.n varnaa
ham aur aap se is tarah guftaguu karate
javaab hazarat-e-naaseh ko ham bhii kuchh dete
jo guftaguu ke tariiqe se guftaguu karate
pahu.Nch ke hashr ke maidaa.N me.n haul kyo.n hai ‘Aziz’
abhii to pahalii hii ma.nzil hai justajuu karate
Tell a Friend
tum aa.Nkho.n se duur ho hu_ii niind aa.Nkho.n se duur
tum aa.Nkho.n se duur ho hu_ii niind aa.Nkho.n se duur
mere saathii Gam kii choT se huaa dil kaa shiishaa chuur
mujhe shikavaa hai taqadiir se nahii.n tum se ko_ii Gilaa
mujhe laakar yuu.N pardes me.n meraa sab kuchh chhiin liyaa
merii aa.Nkho.n me.n aa.Nsuu aa base huu.N rone par majabuur
mere zaKhm hue pardesiyaa aa ris-ris ke naasuur
mujhe rogii karake pyaar kaa diyaa Gam kaa rog lagaa
mere jalate hue charaaG ko merii qismat ga_ii bujhaa
mujhe dhokaa diyaa nasiib ne nahii.n meraa koii kusuur
mujhe dhokaa diyaa nasiib ne nahii.n meraa koii kusuur
Tell a Friend
haath siine pe jo rakh do to qaraar aa jaaye
haath siine pe jo rakh do to qaraar aa jaaye
dil ke uja.De hue gulashan me.n bahaar aa jaaye
dil to kahataa hai ki aa.Nkho.n me.n chhupaa luu.N tujh ko
Dar yahii hai ki muqaddar ko nakaar aa jaaye
dil ke zaKhmo.n pe mere pyaar kaa maraham rakh do
beqaraarii me.n mujhe kuchh to qaraar aa jaaye
yuu.N Khudaa ke liye chhiino na mere hosh-o-havaas
aisii nazaro.n se na dekho ki Khumaar aa jaaye
chho.D ke tum bhii chale jaaogii qismat kii tarah
baad azaane to ajal hii ko na pyaar aa jaaye
Tell a Friend
firaaq se bhii gaye ham visaal se bhii gaye
firaaq se bhii gaye ham visaal se bhii gaye
subuk huye hai.n to aish-e-malaal se bhii gaye
jo but-kade me.n the vo sahibaan-e-kashf-o-kamaal
haram me.n aaye tp kashf-o-kamaal se bhii gaye
usii nigaah kii narmii se Dag-magaa gaye qadam
usii nigaah ke tevar sambhaal se bhii gaye
Gam-e-hayaat-o-Gam-e-dost kii kashaakash me.n
ham aise log to ra.nj-o-malaal se bhii gaye
vo log jin se terii bazm me.n the ha.ngaame
gaye to kyaa terii bazm-e-Khayaal se bhii gaye
ham aise kaun the lekin qafas ki ye duniyaa
ke par-shikasto.n me.n apanii misaal se bhii gaye
charaag-e-bazm abhii jaan-e-a.njuman na bujhaa
ke ye bujhaa to tere khad-o-Khaal se bhii gaye
Tell a Friend
mayassar ho jo lamhaa dekhane ko
mayassar ho jo lamhaa dekhane ko
kitaabo.n me.n hai kyaa kyaa dekhane ko
[mayassar = possible/to get; lamhaa = moment]
hazaaro.n qadd-e-aadam aa_iine.n hai.n
magar tarasoge cheharaa dekhane ko
[qadd-e-aadam = length of man]
[qadd-e-aadam aa_iinaa = full length mirror]
abhii hai.n kuchh puraanii yaadagaare.n
tum aanaa shahar meraa dekhane ko
havaa se hii sahii khulataa thaa aksar
mujhe bhii ik dariichaa dekhane ko
[aksar = often; dariichaa = window]
abhii shaaKho.n pe hai.n kuchh phuul “Azhar”
mujhe kaa.NTo.n me.n uljhaa dekhane ko
[shaaKh = branch]
Tell a Friend
dil se dha.Dakan Khuun se azm-e-safar le jaayegaa
dil se dha.Dakan Khuun se azm-e-safar le jaayegaa
vaqt ik din chiin kar saare hunar le jaayegaa
[azm-e-safar =strength to travel; hunar = knowledge/skills]
haa.N duaa maa.Ngii thii lekin ye to sochaa bhii na thaa
mausam-e-barasaat sab diivaar-o-dar le jaayegaa
aaj is titalii ko in phuulo.n pe u.Dane diijiye
kal ko_ii jho.nkaa havaa kaa is ke par le jaayegaa
[titalii = butterfly; par = wing]
tuu kisii andhe kuye.N me.n jaaye to ye jaan le
saath saath apane ye merii bhii nazar le jaayegaa
[ku_aa.N = well; nazar = sight]
duusaro.n ke ghar me.n patthar phe.nkane vaale ye soch
tuu bachaa kar kis tarah shiishe kaa ghar le jaayegaa
shahar kii sa.Dako.n pe mere saath mat nikalo abhii
jo bhii dekhegaa u.Daa kar ye Khabar le jaayegaa
sar-bulandii jis kaa manasab hai vo jhuk sakataa nahii.n
dast-e-qaatil us kaa Khud neze pe sar le jaayegaa
[sar-bulandii = to keep one’s head high]
[dast-e-qaatil = hands of the killer; nezaa = spear]
Tell a Friend
na shivaale na kalisaa na haram jhuuThe hai.n
na shivaale na kalisaa na haram jhuuThe hai.n
bas yahii sach hai ke tum jhuuThe ho ham jhuuThe hai.n
ham ne dekhaa hii nahii.n bolate un ko ab tak
kaun kahataa hai ke patthar ke sanam jhuuThe hai.n
un se miliye to Khushii hotii hai un se milakar
shahar ke duusare logo.n se jo kam jhuuThe hai.n
kuchh to hai baat jo tahariiro.n me.n taasiir nahii.n
jhuuThe fan_kaar nahii.n hai.n to qalam jhuuThe hai.n
Tell a Friend
