zindagii tujh ko manaane nikale
zindagii tujh ko manaane nikale
ham bhii kis darjaa diivaane nikale
[darjaa=type of, to what limit]
kuchh to dushman the muKhaalif-saf me.n
kuchh mere dost puraane nikale
[muKhaalif-saf=in the enemy camp]
nazar_andaaz kiyaa hai us ne
Khud se milane ke bahaane nikale
be-basaarat hai ye bastii yaaro
aa_iinaa kis ko dikhaane nikale
[be-basaarat=blind]
in andhero.n me.n jiyoge kab tak
ko_ii to shamaa jalaane nikale
un kii beruKhii me.n bhii iltefaat shaamil hai
un kii beruKhii me.n bhii iltefaat shaamil hai
aaj kal merii haalat dekhane ke qaabil hai
[iltefaat=kindness, courtesy]
qatl ho to meraa saa maut ho to merii sii
mere sog_vaaro.n me.n aaj meraa qaatil hai
[sog_vaaro.n=mourners]
muztarib hai.n mauje.n kyuu.N uTh rahe hai.n tuufaa.N kyuu.N
kyaa kisii safiine ko aarazuu-e-saahil hai
[muztarib=agitated; safiine=boats]
sirf rah_zan hii se kyuu.N “Ameer” shikvaa ho
manzilo.n kii raaho.n me.n raah_bar bhii shaamil hai
[rahazan=robber; raahabar=guide]
jag_magaate shahar kii raanaa_iiyo.n me.n kyaa na thaa
jag_magaate shahar kii raanaa_iiyo.n me.n kyaa na thaa
Dhuu.NDhane nikalaa thaa jis ko mai.n vahii cheharaa na thaa
ret pe likhe huye naamo.n ko pa.Dh kar dekh lo
aaj tanhaa rah gayaa huu.N kal magar aisaa na thaa
ham vahii tum bhii vahii mausam vahii manzar vahii
faasalaa ba.D jaayegaa itanaa kabhii sochaa na thaa
fikr ke dar pe ko_ii aahaaT ko_ii dastak nahii.n
vo faqat biimaar jis kaa ko_ii ham_saayaa na thaa
[faqat=merely]
chho.D aayaa jin safiino.n ko talaatum ke qariib
naaKhudaa un me.n teraa shaayad ko_ii apanaa na thaa
[safiina=boat; talaatum=whirlpool; naaKhudaa=boatsman]
dil me.n kis darjaa bedilii hai abhii
dil me.n kis darjaa bedilii hai abhii
har Khushii jaise ajanabii hai abhii
phir ba.Dhe hai.n qadam terii jaanib
tere Gam me.n bhii dil_kashii hai abhii
[jaanib=towards/in the direction of]
mai.n bhii tujh se bichha.D ke sar-gardaa.N
terii aa.Nkho.n me.n bhii namii hai abhii
[sar-gardaa.N=distressed]
mai.n ne maanaa bahut andheraa hai
phir bhii tho.Dii sii roshanii hai abhii
aaj kii raat bhii guzarii hai merii kal kii tarah
aaj kii raat bhii guzarii hai merii kal kii tarah
haath aaye na sitaare tere aa.Nchal kii tarah
raat jalatii hu_ii ik aisii chitaa hai jis par
terii yaade.n hai.n sulagate huye sa.ndal kii tarah
tuu ki dariyaa hai magar merii tarah pyaasaa hai
mai.n tere paas chalaa aa_uu.Ngaa baadal kii tarah
mai.n huu.N ik Khvaab magar jaagatii aa.Nkho.n kaa “Ameer”
aaj bhii log gavaa.N de na mujhe kal kii tarah